ANOSIBE

Voasambotra ilay mpangaro-paosy, tafaverina ny finday

Fandriampahalemana
Alakamisy 07 Aogositra 2025

Nihena iray indray ny mpangarom-paosy etsy Anosibe.

Lehilahy iray nangalatra finday tao an-tsena no voasambotry ny Polisin’ny Fifamoivoizana ny omaly Alarobia 06 Aogositra vao maraina. Araka ny fantatra dia lehilahy lehibe iray no lasibatra ny harom-paosy nataony. Tsikaritr’io lehilahy io anefa izany ka niantso vonjy izy ary nirifatra nandositra avy hatrany ilay olon-dratsy. Nahita izany ny Polisy iray ka nirotsaka nanenjika avy hatrany ka tsy lasa lavitra dia tratra ilay jiolahy. Naverina tamin'ny tompony teo ihany ilay finday nangalarina rehefa voamarina fa azy tokoa. Nentina tao amin’ny kaomisarian’ny Polisy Mahamasina hanaovana fanadihadiana kosa ilay mpangarom-paosy. Marihina fa mpangarom-paosy sy mpivaro-drongony ny ankamaroan'ireo tovolahy mameno ny fonjan'Antanimora amin'izao.
Pati
Légende : Finday iray no mety hidiran'ity tovolahy iray ity any am-ponja