Fandriampahalemana

Anosibe Nifoka rongony no sady nandratra olona izy roalahy

Fandriampahalemana
Talata 18 Aogositra 2020

Lehilahy roa no voasambotry ny polisin'ny boriborintany fahadimy ny 16 Aogositra lasa teo teny Anosibe Rond point tokony ho tamin'ny 9ora alina. Tratra nifoka rongony izy ireo ka olona nivoaka ny elakelan-trano avy teo akaikin'ny Supermaki no nahatsikaritra izany.

Rehefa hitan'ireo olona ireo izy roalahy ireo dia namoaka antsy ny iray ka nanambana azy ary naratra mihitsy ny tanan'ny iray tamin'ireo olona nahita azy nifoka rongony. Polisy nanao fisafoana tamin'iny faritra iny no nahatsikaritra ny fihetsik'ireto roalahy ireto ka nosamborina avy hatrany izy ireo ary nentina teny amin'ny kaomisaria hanaovana fanadihadiana.

Pati