Fandriampahalemana

Anosiarivo Manjakandriana Ny olona nifety, izy efa-dahy namaky fasana

Fandriampahalemana
Talata 27 Jona 2023

Lehilahy miisa 04 no tratran'ny fokonolona teo am-pamakiana fasana iray tao Anosiarivo Manjakandriana omaly alatsinainy 26 jona ,

fotoana nanamarihana ny tsingerin-taona faha-63 niverenan’ny fahaleovantena. Vantany vao nahita ity tranga famakiana fasana sy fangalarana taolam-paty ity ireo mponina dia nampandre ny polisim-pirenena. Na izany aza saika niharan’ny fitsaram-bahoaka ihany izy efa-dahy ireto noho izy ireo nanararaotra ny vahoaka variana nanao fety. Nosamborina avy hatrany izy ireo noho izany ary noentina namonjy toeram-pitsaboana noho ny ratra izay nahazo azy . Araka voalazan'ireo nahita ny zava-nitranga dia lehilahy miisa 05 no nanao izao asa ratsy izao fa ny iray kosa tafaporitsaka. Mitohy moa ny fanadihadiana mikasika izay tena ati-doha niketrika izao vaky fasana tamin’ny andro fety tany Manjakandriana izao.
Pati
Legende : Efa naradratra tahaka izao izy efa-dahy