Fandriampahalemana

Ankorondrano Olona 5 tratra nivarotra roro, 50 taona no zokiny indrindra

Fandriampahalemana
Zoma 16 Jona 2023

Olona miisa 5 mpivarotra roro 19 ka hatramin’ny 50 taona no nosamborin’ny polisy teny Ankorondrano ny 14 jona teo ka lehilahy ny iray raha vehivavy avokoa ny ambiny.

Misy amin’izy ireo no mpiray tsikombakomba raha misy ihany koa tena tompon’antoka. Natao ny vela-pandrika ka tra-tehaka tao amin'ilay trano ireo 05 voalaza etsy ambony ireo. Ny lehilahy iray mpividy , ny ramatoa iray kosa irakiraka, ny vehivavy roa mpivarotra heroine ary ny ambiny iray dia mpampiantrano ireo mpidoroka rôrô. Nahitana fonosana rôrô dimy(0,11grama) sy rôrô 0,11 mbola tsy vita fono niaraka tamin'ny fitaovana fampiasa amin'izany moa tao amin’ny trano nahitana azy ireo nandritra ny fisamborana. Natolotra ny fampanoavana omaly izy ireo ka naiditra am-ponja vonjimaika.
Pati