Fandriampahalemana

Ankirihiry Toamasina Tratra ilay lehilahy mpanolana

Fandriampahalemana
Alakamisy 28 Mey 2020

Lehilahy iray, 40 taona no voasambotry ny polisim-pirenena avy ao Toamasina ny zoma 22 mey 2020 teo rehefa avy nanolana zazavavikely vao valo taona monja tao an-tranony.

Tao amin’ny fokontany Ankirihiry no nisehoan’ity trangana fanolanana ity. Mbola teo am-panolanana ilay zaza ity lehilahy ity no tra-tehaky ny vadiny. Ity farany izay niantso vonjy avy hatrany raha vao nahita ny habibiana nataom-badiny. Nikoropaka ny iray tanana raha nahare izany antso vonjy izany ka dia nisambotra ilay lehilahy avy hatrany. Marihina moa fa zanaky ny mpiray vodirindrina aminy ihany izao naolany izao. Nametraka fitoriana avy hatrany ny Ray aman-drenin’ilay zaza ka tonga teny an-toerana ny polisy ary nentina natao fanadihadiana ilay lehilahy nahavanon-doza. Niaiky ny helony izy. Natolotra ny fampanoavana ny talata faha 26 mey 2020 ny raharaha, ka naiditra am-ponja vonjimaika ao Ambalatavoangy izy.

Pati