ANKIAKANDREFANA MAROANTSETRA

Vehivavy iray hita faty niantona

Fandriampahalemana
Zoma 03 Jolay 2026

Vehivavy iray no hita faty niantona tao

Ankiakandrefana, distrikan'i Maroantsetra omaly Alakamisy 02 Jolay folakandro. Nifatotra tady ny tendany raha nihantona tamin'ny rantsa-kazo avy eny ambony kosa ilay tady, tombanana ho efa voahomana. Tsy mbola fantatra mazava na namono tena ity vehivavy na sanatria nisy namono. Na izany aza efa mandeha ny fanadihadiana hataon'ireo mpitandro ny filaminana any an-toerana. Tsiahivina moa fa nirongatra sy nahazo vahana ny vono olona sy ny famonoantena tato ho ató teto amintsika. Raha araka ny fanazavan'ny psikology dia vokatry ny tsy fahampian'ny fanabeazana sy ny fitaizana no mahatonga izany. Diso maka tahaka loatra ihany koa ny olona noho ny firoboroboan'ny teknolojia ka tsy mampaninona azy ireny intsony ny mamono olona tahaka ny akoho. Manodidina ny 5 moa hatreto ireo olona hita faty nisy namono raha kely teto an-drenivohitra sy ny manodidina tao anatin'ny herinandro mahery.
Nangonin'i Pati
Légende : Ilay Renim-pianakaviana hita faty !