ANKATSO II ANTANANARIVO

Tovolahy matin’ny tsatok’antsy in-telo teo amin'ny fony

Fandriampahalemana
Alatsinainy 22 Septambra 2025

Zava-doza no nitranga teny Ankatso II Antananarivo renivohitra

omaly Alahady 21 Septambra. Tovolahy vao herotrerony voalaza ho namonjy ny lanonana fandraisana mpikambana vaovao ao anatin'ny fikambanan'ny mpianatra misy azy avy any Mandritsara no maty nisy namono tampoka. Nandritra ny lanonana natao tao amin`ny Fast food Ankatso II Antananarivo no nitrangan'izany, hoy ny vaovao. Tsindron'antsy in-telo teo amin`ny fony no nambaran'ireo mpikambana ao anatin'ny fikambanana fa nahafaty ity tovolahy ity. Tsy nisy nahalala io tranga io ireo nanatrika ny lanonana. Ilay tovolahy efa nitsirara tamin'ny tany no nahataitra ny rehetra tao anaty efitrano filanonana ka nikoropaka nitondra azy tany amin'ny hopitaly tokony ho tamin`ny 3 ora maraina. Omaly tamin'ny 5 ora maraina izy no namoy ny ainy. Resaka lonilony no voalaza ho antony nahatonga ny famonoana ary efa misy ny ahiahiana. Nitolo-tena ny nahavanon-doza raha ny vaovao vonjimaika omaly hariva.
Nangonin'i Pati
Légende : Namoy ny ainy ity tovolahy ity !