Fandriampahalemana

Ankasina Tratra i Ibrahim mpanendaka amin’ny antsy lava

Fandriampahalemana
Alakamisy 10 Septambra 2020

Lehilahy iray antsoina hoe : Ibrahim, 28 taona no voasambotry ny Polisy avy ao amin’ny kaomisarian’ny boriborintany fahafito etsy 67ha noho ny resaka fanendahana.

Ny zoma 04 septambra teo, tamin’ny 08 ora alina dia nahazo antso ny polisy avy ao amin’ity kaomisaria ity fa misy mpanendaka mitondra zava-maranitra eny amin’iny faritra Ankasina iny. Nidina avy hatrany teny an-toerana ny Polisy ka lehilahy iray no voasambotra tamin’izany ary mbola tratra teny aminy ny antsy lavalela fampiasany rehefa manao ny asa ratsiny. Nentina nanaovana fanadihadiana avy hatrany teny amin’ny biraon’ny polisy moa ity olon-dratsy ity. Tamin’ny fanadihadiana no nahafantarana fa lehilahy iray handeha hamonjy fodiana no nosakanan’izy ireo ka miisa telo izy ireo no nanao izany ary ny iray mitondra antsy lava lela. Nambanany tamin’izany ilay lasibatra ka nalain’izy ireo ny poketra misy vola mitentina 900.000 Ar niampy sy antotan-taratasy maromaro. Rehefa tonga ny polisy dia nirifatra nitsoaka avokoa izy ireo ka ity lehilahy iray antsoina hoe : Ibrahim ity no tra-tehaka. Marihana fa efa nigadra ity jiolahy ity izao niverina nanao ny asa ratsiny izao indray. Mitohy ny fikarohana ireo namany. Naiditra am-ponja vonjimaika eny Antanimora moa i Ibrahim.

Pati