Fandriampahalemana

Ankamory Arivonimamo Lasan'ny Jiolahy avokoa ny razana tao am-pasana

Fandriampahalemana
Talata 04 Jolay 2023

Nitrangana vaky fasana indray tao Ankamory antsinanan’ Antanety, fokontany Ambohipiainana, kaominina Ambohimasina,

distrikan'Arivonimamo ny alin'ny Sabotsy 01 Jona 2023 lasa teo. Fasana iray nisy razana am-polony no vaky ka lasan’ireo tsy mataho-tody nandritra izany avokoa ireo taolam-balo tao anatiny. Lehilahy iray handeha ho any an-tsaha namatotra omby no fantatra fa nahatsikaritra ilay fasana efa midanadana. Niezaka nampandre ny mpiray tanàna ity farany ary nanao ny fidinana ifotony avy hatrany ireo tompon'andraikitra. Efa eo am-pelatanan'ny zandary ao Ambatomanga moa ny raharaha ankehitriny ary mandeha ny fitadiavana ireo olon-dratsy. Efa nikarakara ilay fasana kosa ireo fianakavian’ny maty mba tsy ho sanatria lasa fieren’ny jiolahy indray izany.
Nangonin’i Pati
Legende : Nidanadana tahaka izao ilay fasana