Fandriampahalemana

Ankalalobe , Belo sur Tsiribihiana Lehilahy roa lasa takalon’aina, dahalo iray voatapa-tanana

Fandriampahalemana
Talata 28 Martsa 2023

Nitrangana fahafihan-dahalo mahery vaika indray ny alahady maraina teo tokony ho tamin’ny 04 ora tao amin’ny kaominina ambanivohitr’Ankalalobe distrikan'i Belo sur Tsiribihina.

Dahalo 20 lahy no fantatra fa nanafika ny campement mitondra ny anarana hoe Madiro. Nalain’izy ireo ny omby rehetra tao sy ny lehilahy miisa roa izay lasa takalon’aina. Raha vantany vao nandre io fanafihana io ny mpitandro ny filaminana sy ny fokonolona dia niandry ny kizo tao Masiadolo ka raikitra fifandonana teo amin’ny roa tonta. Nisy ireo dahalo maty vokatr’izany izay nentin'ny namany nandositra. Ny iray kosa taraiky teo ka notapahin'ny fokonolona ny tanany havia ho famaizana azy. Tavela teo moa ireo omby nangalarin’izy ireo raha mbola hifampitadiavana kosa ireo roalahy lasa takalon’aina.
Pati
Legende : Ity ilay dahalo tavela notapahin’ny fokonolona ny tanany havia