Fandriampahalemana

Ankadindramamy Olona teo akaiky ihany no nanafika ilay toeram-pivarotana

Fandriampahalemana
Zoma 16 Septambra 2022

Toeram-pivarota-mofo iray na irony antsoina hoe : boulangerie irony no nisy nanafika omaly folakandro teny Ankadindramamy. Jiolahy miisa 4 raha araka ny vaovao azy no nanafika azy io.

Nandritra ny fanaovany ny asa ratsiny anefa izy ireo no nisy nahita tampoka ka tafaporitsaka ny telo. Tratra kosa ilay iray ambiny izay fantatra fa mipetraka eo am-pitan’ilay toeram-pivarota-mofo ihany. Raha araka ny fanazavan’ireo mponina eny an-toerana moa dia manomboka mahazo vahana ao Ankadindramamy ihany koa ny tsy fandriampahalemana amin’izao ka tokony hojerena akaiky. Tsy nisy moa ny entana lasa nandritra ity fanafihana ity. Tsy nisy ihany koa ny naratra na ny aina nafoy.
Pati