Fandriampahalemana

Ankadimbahoaka Tratra ilay mpanendaka olona mamonjy fodiana

Fandriampahalemana
Alatsinainy 16 Janoary 2023

Anisan’ny faritra tena malaza ratsy amin’ny asa fandehana ireo olona mandeha dia an-tongotra hamonjy fodiana iny faritra Ankadimbahoaka iny.

Miaraka amin’ny antsy maranitra mihitsy ireo mpanendaka mandritra izany ary mikendry vehivavy somary kelikely aina tara fodiana. Manoloana izany dia nametraka ny paikadiny ny Polisy miasa ao amin’ny kaomisarian’i Mahamasina nandefa mpitandro ny filaminana nanao fanamiana sivily teny an-toerana. Lehilahy iray vao 23 taona no tratra ambodiomby nanendaka olona teny amin’iny faritra iny vokatr’izany ny sabotsy 14 janoary teo. Avy hatrany dia noentina teny amin’ny kaomisarian’i Mahamasina ity farany nanaovana fanadihadiana. Raha araka ny fanazavany dia vokatry ny tsy fananany asa no nanosika ity lehilahy ity hanendaka tahaka izao. Maro adidy anefa izy hoy hatrany ny fitarainany.
Pati