Fandriampahalemana

Ankadikely Ilafy Voasambotra ireo mpanendaka olona mpirevy amin’ny alina

Fandriampahalemana
Talata 23 Mey 2023

Tena efa samy manana ny paikady hampiasainy mihitsy ireo mpanendaka ankehitriny mba hahazoany izay tadiaviny. Misy ireo manakan-dalana, misy ireo manao ny hataony any anaty taxibe….

Ho an’ireto telolahy tratra teny Ankadikely Ilafy tamin’ny afak’omaly Alahady ireto dia manarak’olona avy mirevy amin’ny alina no tena hataony. Ny borigadin’ny zandarimariam-pirenena ao Ankadikely Ilafy no nahatratra azy ireo. Tadidin’ireo olona mamo avy hendahiny ny endrik’izy ireo ka tsy sarotra ny nisambotra azy. Tsy mbola mamo tsara rahateo ilay lehilahy iray izay nendahin'izy ireo tamin’ny alin’io Alahady alina io ka nahatadidy tsara ny tarehy sy ny volon'izy ireo ary nitoroka tany amin'ny zandary. Feno ny porofo noho izany. Very mantsy ny vola sy ny findainy. Voasambotra ary natao famotorana ka samy niaiky avy hatrany izy telolahy ireto fa nanendaka tokoa tamin’io alin’ny Alahady lasa teo io. Hiakatra fitsarana anio izy telolahy ireto.
Nangonin’i Pati
Legende : Ireto izy telolahy mpanendaka olona avy misotro any amin’ny bar