Fandriampahalemana

Anjozorobe Rahonan’ny dahalo hatramin’ny Ben’ny tanàna

Fandriampahalemana
Alakamisy 11 Novambra 2021

Tena manao ny hataony ny dahalo any amin’ny distrikan’Anjozorobe. Rahonan’izy ireo hatramin’ireo tompon’andraiki-panjakana toy ny Ben’ny tanana raha araka ny fanazavan’ny filohan’ny Ben’ny tanana any an-toerana Razafimanjato.

Nambarany fa tonga mitety tanana mihitsy ireo dahalo manaparitaka taratasy ary milaza fa tsy hanaiky raha tsy mahazo izay tadiaviny. Ny tena olana anefa hoy ity Ben’ny tanana iray ity dia ankoatra ny fanimbana sy fakana olona dia misy ihany koa ireo mamoy ny ainy arahin’ny fanaovana kidnapping. Manao antso avo amin’ny Fitondram-panjakana araka izany ireo Ben’ny tanana any an-toerana mba hijery akaiky ny zava-misy.
Pati