Fandriampahalemana

Anjianjia Miandrivazo Hanamparan’ilay ramatoa ny habibiany ireo zaza angalariny

Fandriampahalemana
Zoma 06 Janoary 2023

Ramatoa iray monina ao Anjiajia Miandrivazo no fantatra fa nangala-jaza.

Zazavavy kely vao 10 taona monja io nalainy io raha araka ny fanadihadiana nataon’ny polisy sy ny zandarimariam-pirenena any an-toerana izay tondroiny ho zanany naterany. Ny tena nahavariana ny mpiara-monina tamin’ity Ramatoa ity anefa dia matim-bono hatrany io zaza io. Hanamparan’ilay Ramatoa ny habibiany ihany koa, koa raha vantany vao mitady vonjy aman’olona dia sakanany mafy tsy hanao izany. Tamin’ny fotoana nakana am-bavany ilay zaza dia nilaza ity farany fa tsy reniny niteraka azy io vehivavy io fa mpiara-miasa amin’ny ray aman-dreniny fotsiny. Ilay ramatoa nitazona azy anefa teo an-daniny dia nilaza sy nanamafy hatrany fa zanany io zazavavy io izay nifanohitra amin’ny nambaran’ilay zaza. Rehefa nozahan’ny manampahefana tokoa moa ny Ray aman-dRenin’ity zazavavy kely dia hita ka tamin’izany no nahafantarana fa nangalarin’ity Ramatoa tsy mataho-tody ity io zaza tsy manan-tsiny. Ny 02 janoary teo moa no nosamborina ny anaovavy. Mitohy kosa ny fanadihadiana hataon’ny mpitandro ny filaminana mikasika ny raharaha.
Pati