ANISAN’IREO NAMONO ZANAKA POLISY

Jiolahy iray matin’ny FIP sy UIR Toamasina

Fandriampahalemana
Talata 25 Febroary 2025

Jiolahy mpamerin-keloka amin'ny resaka halatra miaro vono olona, ary efa nigadra in-telo

no lavon'ny balan'ny Polisy Tao Toamasina, ny alin’ny Alahady 23 Febroary lasa teo. Teo am-panomanana fanafihana hafa indray ilay ranamana ity no izao nifanehatra tamin'ny Polisin'ny FIP sy UIR izao. Tafatsoaka nandritra ny fifandonana ny namany miisa roa ary mbola karohina. Fantatra moa fa anisan’ny nahafaty ilay zanaka polisy iray tao Toamasina ny iray tamin’ireo jiolahy ireo. Tsiahivina moa fa tsy milamina mihitsy ny fandriampahalemana ao Toamasina ao efa amam-bolana izao. Ankoatra ny vono olona dia misy hatrany ny vaky trano ateraky ny fanafihana mitam-piadiana miaro fandrobana fananan’olona.
Nangonin’i Pati
Legende : Ity ilay jiolahy tratra maty voatifitra !