Fandriampahalemana

Andravoahangy sy ny manodidina Mirongatra ny haro-paosy

Fandriampahalemana
Zoma 03 Jolay 2020

Mila mailo ny rehetra, hoy ny lasibatra iray, manoloana ny firongatry ny haro-paosy eny amin’iny Andravoahangy sy ny manodidina iny.

Efa narahan’ilay tontakely avy ao aoriana efa ela izy, raha ny fanazavany, satria somary mavesatra entana kanefa nitondra izany tamin’ny tanany ilany fotsiny. Nony nahatsiaro reraka dia namindra ny entana iray tamin’ny tanany ilany ka teo no nanararaotan’ilay olon-dratsy nisokirana ny poketra. Nony hividy zavatra aho, hoy izy, avy eo efa tsy tao intsony ilay poketra. Tranga iray hafa ihany koa no notantaraina raim-pianakaviana iray manodidina iny faritra iny hatrany. Tao anaty fiara fitateram-bahoaka iray aho, hoy izy, ary nisy nipetraka teo akaikiko. Nony niala ilay teo akaikiko dia nisy lehilahy namonjy avy eo ilay toerany. Efa hitako ho hafahafa fihetsika, hoy izy, ka mailo aho. Nikasika ny feko tampoka ka taitra aho ary nivandrahako. Toy ny tsy teo ny nanafenany ny endriny na efa anaty arotava aza ary tsy andriny ny nahatongavana teo amin’ny fiantsonana manaraka mba hivoahany malaky.

J. Mirija