Fandriampahalemana

Andohatapenaka Tratra ireo nangalatra bisikiletan’ny namany

Fandriampahalemana
Alakamisy 08 Oktobra 2020

Lehilahy miisa roa nanosika bisikileta nitsofoka niazo an’Ankasina no saron’ny polisy nanao fisafoana teny Andohatapenaka Lalambaovao ny 06 oktobra lasa teo tokony ho tamin’ny 02 ora maraina.

Rehefa nanontaniana izy ireo dia nivadibadika ny valin-teniny ka nampiahiahy ny polisy. Nentin’ireto nanaraka azy avy hatrany izy roalahy ireto ka nambarany tamin’izany fa an’ny dadatoany ilay bisikleta ary eny Talatamaty izy ireo no mipetraka. Naheno izany ireo polisy nanao famotorana ka nanolo-tena ny hanatitra azy roalahy any Talatamaty . Rehefa handeha hanainga anefa izy ireo dia nilaza indray izy roalahy fa tsy mipetraka any ka gaga ireo polisy ary voatery nanokatra fanadihadiana. Nandritra ny famotorana dia nilaza izy ireo fa an’olona niaraka nisotro tamin’izy ireo ity bisikleta ity ary saika hangalarin’izy ireo no izao tra-tehaky ny polisy izao. Natolotra ny fitsarana omaly izy roalahy.

Pati