Fandriampahalemana

Andohatapenaka Nitsoraka tany anaty rano ilay mpangalatra moto

Fandriampahalemana
Alarobia 28 Jolay 2021

Lehilahy miisa 04 no saron’ ny Polisin’ny UIR sy ny SUT Tsaralalana ny 25 sy ny 26 jolay lasa teo teny amin’ny lalana Digue Andohatapenaka rehefa avy nangalatra moto.

Ny 25 jolay lasa teo tokony ho tamin’ny 08 ora maraina raha tsiahivina dia nanao toy ny asa fanaony amin’ny andavanandro ny Polisim-pirenena ka anisan’ireny ny sakan-dalana. Nandritra izany indrindra no nisy moto nandalo, ka rehefa raikitra ny fisavana dia nirifatra nitsoaka ilay mpitondra moto ary tsy nijanona. Nifanenjehana niazo ny lalana Route Digue sy ny Etoile Rouge ilay lehilahy ka nony tonga teny akaikin’ny Ranon’Ikopa dia nitsoraka tany anaty rano izy ka noraisim-potsiny. Fantatra nandritra izany fa moto halatra ilay nentiny. Nandritra ny fanadihadiana nataon’ny SUT Tsaralalàna no nahafahana nisambotra ireo namany hafa ny Alatsinainy 26 jolay lasa teo izay nahitana basy vita gasy. Miisa 04 ireo voasambotra izay nahatrarana moto halatra roa hafa.Mbola itohy hatrany ny fikarohana hataon’ny Polisy.
Pati