Fandriampahalemana

Andohatapenaka Matin’ny polisy ilay jiolahy nampiasa basy kilalao

Fandriampahalemana
Zoma 09 Jolay 2021

Jiolahy mpanendaka sy mpamaky trano mampitondra faisana iny faritra 67ha sy ny manodidina iny no lavon'ny balan'ny Polisy tetsy Andohotapenaka ny atoandro omaly atoandro.

Efa malaza amin'ny asa ratsy amin'iny faritra iny ity jiolahy ity ary efa ela no nitadiavana azy. Nidina teny amin'ireo faritra ireo ny Polisy nanao fanamiana sivily hisambotra ireto olon-datsy. Mbola eo am-piomanana ny hanao asa ratsy mihitsy ireto jiolahy no hitan'ny Polisy ka vao nanatona hisambotra azy ireo ny mpitandro ny filaminana dia nitsoaka avokoa ireto olon-dratsy saingy ity jiolahy rain-dahiny kosa namoaka basy ary voatery nitifitra ny Polisy ka izay no nahafaty azy. Rehefa nanatona ny Polisy nijery ilay basy izay vao fantatra fa basy tsy tena izy no nentin'ilay jiolahy. Mitohy ny fanadiovana ataon'ny Polisim-pirenena hiadiana amin'ny tsy fandriam-pahalemana eto an-drenivohitra, hoy ny eo anivon’io rantsan’ny mpitandro filaminana io.
Toky R