ANDIANA MPANGALATRA TENY ANKADIKELY

Vao avy nigadra teny Antanimora ny iray

Fandriampahalemana
Alarobia 23 Jolay 2025

Maro amin’ireo olona efa nifonja tafaverina eny anivon’ny fiaraha-monina

no mihazakazaka miverina eny am-ponja indray amin’ny alalan’ny fanaovan-dratsy. Amin’ny ankapobeny dia ilay ratsy efa nanasaziana azy teo aloha ihany no mbola averiny noho ny antony tsy fantatra. Lehilahy iray vao avy namita ny saziny teny Antanimora nandritra ny enim-bolana no fantatra fa sarona teny Ankadikely Ilafy indray raha nikasa hangalatra niaraka tamin’ny namany. Vokatry ny ezaky ny zandary sy ny andrimasom-pokonolona tao Belanitra sy Andafiavaratra no nahatrarana azy roalahy ireo. Ny alin’ny 16 Jolay lasa teo no nitrangan’ity toe-javatra mampalahelo ity.
Pati
Legende : Any am-ponja indray izy roalahy ireto mihinana gagazo !