Fandriampahalemana

Analamahitsy Nasaina nifona tamin’ny vahoaka ilay mpangalatra

Fandriampahalemana
Alarobia 08 Jolay 2020

Lehilahy iray fantatra fa any Ambatofotsy no tratran’ny fokonolona nangalatra omaly talata vao maraim-be teny Analamahitsy.

Niharan’ny fitsaram-bahoaka avy hatrany noho ny fahasorenana ateraky ny hasarotan’ny fiainana, indrindra ao anatin’izao fihibohana izao ka tsy nandray azy intsony ny polisy. Efa feno ratra mantsy ny tavany. Voatery nitady sazy ho azy araka izany ny fokontany ka nasaina nanadio tatratra sy ny loto rehetra teny amin’ny manodidina ilay mpamgalatra. Taorian’izay dia nasaina nilanja baoritra misy soratra fifonana tamin’ny fokonolona izy ka iny no nololohaviny nentiny nitety ny tanàna teny Analamahitsy. Sady menatra ny lehilahy no afa-baraka saingy tsy afaka nanda.

Pati