Fandriampahalemana

Analamahitsy Jiolahy 3 maty voatifitry ny polisy

Fandriampahalemana
Alakamisy 25 Jona 2020

Naheno loharanom-baovao ny polisy avy ao amin’ny Bbc 4 sy CSP2 fa misy jiolahy mitady hanao fanafihana mitam-piadiana eny amin'iny faritra Analamahitsy iny.

Fantatra fa omaly izy ireo no tokony nanatanteraka izany ka teo Masay no nikonokononana ilay fanafihana izay saika hatao tamina mpandraharaha iray. Tonga teny an-toerana avy hatrany ny polisy ka vao nahita ireto farany tonga teny an-toerana ireo jiolahy dia nitifitra avy hatrany. Nanana Kalachinokov mantsy izy ireo. Tsy nitsitsy azy ireo ihany koa ny polisy fa mba niaro ny ainy ka namaly ny tifitra nataon'ireto olon-dratsy. Vokatr'izay dia maty voatifitra ny jiolahy telo raha tafaporitsaka ny iray. Fantatra ihany koa fa isan'ny mpanao fanafihana mahery vaika eto an-drenivohitra ireto jiolahy ireto toy ny teny Nanisana, Besarety.

Pati