Fandriampahalemana

Ampefiloha Tratra ilay mpangalatra sarety

Fandriampahalemana
Alatsinainy 15 Martsa 2021

Lehilahy iray no nosamborin'ny polisy avy ao amin'ny paositry ny polisy Ampefiloha ny 09 martsa lasa teo rehefa tratra nangalatra sarety.

Tazana teny Anosy akaikin'ny Radio nasionaly Malagasy mantsy io sarety io taorian’ny fikarohana nataon’ny mpitandro ny filaminana niaraka tamin’ilay lehilahy naka azy. Avy hatrany dia nentina teny amin'ny paositry ny polisy ity farany taorian’izany. Rehefa vita ny fakana am-bavany azy dia niaiky ny heloka vitany izy. Natolotra ny fampanoavana tamin’ny 11 martsa lasa teo ny anaolahy ary naiditra am-ponja vonjimaika. Noho ny hasarotan’ny fiainana moa no nambarany fa antony nanosika azy hangalatra ity sarety ity mba hahafahana mitaona entana.

Pati