Fandriampahalemana

Ampamantanana Noraisim-potsiny teo am-pamakiana trano ilay lehilahy

Fandriampahalemana
Zoma 22 Jolay 2022

Lehilahy iray 25 taona no nosamborin’ny Polisy afak'omaly 20 jolay tokony ho tamin’ny 08 ora alina teny Ampamantanana rehefa tratra ambodiomby teo am-pamakiana trano.

Jiolahy efa fatatry ny maro eny amin'iny faritra iny ity lehilahy ity. Mpanao hala-botry sy vaky trano an-toerana sy ny manodidina mantsy izy ary efa andrasa-potsiny. Tranon’olona iray monina tsy lavitra ny arabe no saika novakian’ity farany ka hitan’ny manodidina tamin'io alina io. Nifampiantso ny mpiray vodirindrina ka nitsoaka ilay jiolahy, ary nifanenjehana. Tratran’ny olona tsy lavitra teo anefa izy ka saika niharan’ny fitsaram-bahoka. Rehefa naheno ny angom-baovao ny polisy miasa teny an-toerana dia nandray ny andraikiny avy hatrany. Tsy nahatondra na inona na inona moa ity mpangalatra ity tamin'ny fotoana nahatrarana azy.
Pati
Legende : Ity ilay olon-dratsy tratra