Fandriampahalemana

Ampamantanana, Androndra, Ambohitsoa Misesy ny fanafihana mitam-piadiana

Fandriampahalemana
Alarobia 24 Mey 2023

Mpivarotra iray manoloana ny foiben'ny fahitalavitra Tv Plus Madagascar eny Ivanja Ambohitsoa no nisy nanafika omaly tamin'ny 6 ora sy 30 minitra hariva,

raha ny fampitam-baovao voaray teny an-toerana. Efa-dahy nitondra basy sy antsy no nanafika ity magazay ity. Ny sasany nanambana basy tety ivelany. Ny sasany niditra tany anatiny naka ny vola. Lehilahy iray no naratra ary vola 1 tapitrisa Ariary eo no lasan'ireo jiolahy. Efa nisy fanafihana mitambasy ihany koa teny an-toerana ny 22 may teo, raha ny fampitam-baovao hatrany. Misesy mihitsy, araka izany, ny fanafihana mitam-piadiana amin’iny faritra iny ary saika heno ho lasibatra tato ho ato i Ampamantanana sy Androndra ary Ambohitsoa.
J. Mirija