Fandriampahalemana

Ambovombe Androy Tafaverina ireo omby 285, dahalo miisa 3 no lavo

Fandriampahalemana
Alarobia 03 Jona 2020

Ny marainan'ny 01 jona lasa teo dia nisy andian-dahalo an-jatony tonga nanafika sy nangalatr’omby tao Ambohimalaza sy Ambitiky ary Sarisambo, samy any amin’ny distrikan’Ambovombe Androy.

Rehefa izany dia niainga avy hatrany ny zandary tao an-toerana nanao fanarahan-dia sy vonjy taitra. Noho ny hamaroan'ireo dahalo anefa dia niara-nisalahy ireo zandary sy tafika avy ao anatin'ny Faritra Anosy sy Androy. Nohamafisina ihany koa ireo fiambenana kizo mety handalovan'ireo dahalo. Omaly talata 02 jona 20 dia nifanehatra tamin'ireo dahalo ireo mpitandro filaminana, tao amin'ny alabe Ampotaka, Vokany. tafaverina manontolo ny omby mitontaly 285 ka efa natolotra ny tompon’omby. Misy dahalo miisa 3 ihany koa lavo nandritra ny fifandonana raha tsy misy naninona ny mpitandro ny filaminana.

Pati