Fandriampahalemana

Ambohitromby-Ambodirano, Ambatondrazaka Jiolahy iray no lavon�ny balan�ny zandary

Fandriampahalemana
Alarobia 10 Mey 2017

Mihetsika amin�ny fampandriana fahalemana ny tany any an-toerana ny zandarimariam-pirenena ao amin�ny Faritra Alaotra Mangoro.

Ravan’ny zandary miasa ao Vohidiala any Ambatondrazaka ny talata heriny teo ny andian-jiolahy nifanenjehana hatrany Ambohitromby-Ambodirano ao amin’ny distrikan’Ambatondrazaka. Jilolahy iray izay efa anisan’ireo nokarohina am-bolana maro no matin’ny balan’ny zandary tao anatin’ny fanafihana tanàna iray nataon’izy ireo, iray hafa azo sambo-belona ary ny fahatelo kosa afa-nandositra. Azo ambara fa nahita vokatra tsara tao anatin’ny iray volana, ny fari-piadidian’ny zandarimaria nasionaly ao Alaotra Mangoro, hatramin’izay nanampiana zandary 71 tao aminy izay. Nahasarona fitaovam-piadiana maro izy ireo tao amin’ny kaominin’Ambohijanahary raha vao nandray ny asany, nahatafaverina omby halatra maro ihany koa tao Amboivory sy Manakambahiny Est ary teratany Sri-Lankais 6 tsy nanara-dalàna no voasambotra tao Tanambe.

Ntsoavina Evariste