Fandriampahalemana

Ambohitompoina Sarona ireo dahalo mpanadio omby halatra

Fandriampahalemana
Alakamisy 18 Jona 2020

Nahazo vaovao avy amin’olona tsara sitrapo ny zandary avy ao amin’ny Poste Avancé Ambohitompoina Antanifotsy Kompania Ambatolampy ny 13 Jona teo fa misy ombilahy roa tsy mazava tazomin’olona ao amin’ny fokontany

Antamiana kaominina Ambohitompoina Distrikan’Antanifotsy. Nidina tany an-toerana ireo zandary notarihin’ny lehiben’ny toby ny 14 Jona teo nanamarina izany ka tratra noho ny fikarohana maty paika ireo omby ireo sy ny olona nitazona azy. Rehefa nosavaina ny taratasy dia fifanarahana fivarotan’omby tamin’ny datin’ny 05 sy 06 Aprily lasa teo no hita tany amin’ilay olona nitazona ireo omby izy misy ny mpivarotra avy ao Vohitrambo. Rehefa nantsoina anefa ireto roalahy mpivarotra dia nandà mafy fa tsy nivarotra omby tamin’io daty io. Nosokafana avy hatrany ny fanadihadiana. Teo indrindra no tonga ny olona telolahy nitondra vola 500 000 Ar . Nolavin'ireo zandary mpanao famotorona io vola io izay tambin’ny hanajanonana ny fanenjehana ireo namotsy taratasin'omby halatra ka tsy hiakaran’ny raharaha eny amin’ny Fitsarana.

Pati