Fandriampahalemana

Ambohipo Tovolahy iray nahatrarana rongony 30 fonosana

Fandriampahalemana
Talata 17 Aogositra 2021

Tovolahy iray indray no tratra nitondra rongony an-tsokosoko teny Ambohipo ny 14 Aogositra lasa teo tokony ho tamin’ny 01 ora maraina.

Polisy avy nanao fisafoana teny amin’iny faritra iny sy ny manodidina no nahatsikaritra ity lehilahy ity ho hafahafa fihetsika. Rehefa nanontanian’ireo polisy izy dia nilaza ho tsy manana karapanondro ary tsy manana adiresy mazava. Niroso tamin’ny fisavana azy ireo polisy taorian’izany ka fonosan-drongony miisa 30 sy rongony mbola tsy voafono maromaro no hita tany aminy. Nentina teny amin’ny biraon’ny Polisy Ambohijatovo ity lehilahy ity natao famotorana ary natolotra ny fampanoavana omaly alatsinainy 16 aogositra. Naiditra am-ponja vonjimaika ihany koa ity lehilahy ity.
Pati