Ambohimena Ankadikely Ilafy

Jiolahy roa lavon’ny zandary

Fandriampahalemana
Alakamisy 04 Janoary 2024

Jiolahy miisa roa no lavon’ny balan’ny mpitandro ny filaminana raha nikasa

hanao ny fanafihana mitam-basy tamina tokantrano iray teto amin’ny faritra Ambohimena, Fokontany Manazary, Kaominina Ankadikely-Ilafy afak’omaly 02 janoary 2024, tokony ho tamin’ny 09 ora alina, araka ny fampahafantarana nataon’ny Borigadin’ny zandarimaria Ankadikely. Jiolahy iray kosa no tafaporitsaka nandritra ny fifandonana teo amin’ny mpitandron’ny filaminana sy ireo jiolahy izay nampiasa ny basy teny ampelan-tanany, ka nampahery vaika ny fifanandrinana nahalatsahana aina jiolahy roa. Mitohy ny fanadihadiana sy ny fikarohana. Isaorana noho izany ny Borigadin’ny zandarimariam-pirenena eto Ankadikely sy ny « Poste Fixe Mandrosoa » izay niara-nisalahy ary tonga ara-potoana ka nadrava izao fikasan-dratsin’ireo jiolahy ireo izao ; tsy nisy ny entaana voaroba na vola lasa, tsy misy atahorana kosa ny fahasalaman’ny tompon-trano izay voaratran’ireo jiolahy, hoy ny fanamarinana.
Nangonin’i Toky R