AMBOHIMASINA

Fasana 3 indray no vaky

Fandriampahalemana
Talata 29 Aogositra 2023

Fasana miisa telo indray no fantatra fa nisy namaky tao amin'ny fokontany Ambohimasina, kaominina ambanivohitra Ambohimasina,

distrikan’Arivonimamo ny alin'ny Sabotsy 26 Aogositra lasa teo. Taolam-balo maherin'ny 20 isa no voakirakira nandritra izany ka lamba sisa no navelan'ireo jiolahy. Ankizy sendra nitsimpona taim’omby nandalo teny an-toerana tamin’ ny harivan'ny Alahady teo no nahatsikaritra izany ka nampandre ny manodidina, raha araka ny vaovao azo. Tsiahivina moa fa vao andro vitsy lasa ihany koa izay no nitrangana vaky fasana tany amin’ny kaominina ambanivohitra Mahitsy, distrikan’Ambohidratrimo. Fanontaniana mipetraka araka izany ny hoe : izay marina no ambadik’ity vaky fasana ity ary hataon’izy ireo inona marina ireo taolana alainy? Misy mantsy ireo milaza fa hanafenana vovo-bolamena haondrana any ivelany…. izy ireny.
Nangonin’i Pati