Fandriampahalemana

Ambohimanambola Nahazo fahafahana vonjimaika ireo nandroba mpivaro-kena

Fandriampahalemana
Zoma 14 Aogositra 2020

Nahazo fahafahana vonjimaika ireo zatovo roalahy nanafika sy nandroba vola tao amin’ny mpivaro-kena iray teny Ampahimanga Ambohimanambola tamin’ny alahady 09 aogositra 2020 teo rehefa niakatra fampanoavana tamin’ny talata 11 aogositra teo.

Nosintonin’ilay tompon-tsena ny fitoriana azy mirahalahy ireto izay marihana fa mbola zatovo samy mbola vao handray 18 taona avokoa rehefa naverin’ny ray aman-drenin’izy ireo ny lelavola voarobany tao amin’ilay mpiandry ny tsena. Na izany aza dia tsy maintsy hitsarana azy ireo ny nampiasany antsy maranitra nanafihana ny mpiandry an’ity tsena ity ka amin’ny faha-22 aogositra izao no hitsarana azy ireo. Marihana fa samy tinaizan-dray kely miaraka amin-dreniny avy izy miralahy ireto fa efa samy nisara-bady avy ireo tena ray aman-dreniny.

Ntsoavina Evariste