Ambohimanambola Betafo

Dahalo iray maty voatifitra, omby 4 tafaverina

Fandriampahalemana
Talata 02 Desambra 2025

Dahalo miisa 4 nitondra omby halatra 2

no hitan'ny fokonolona tao amin'ny zohin-dRamerina Laondany, Andrembesoa Betafo ny 27 Novambra teo. Niantso ny zandary avy hatrany izy ireo ka tsy ela dia tonga ireto farany izay miisa 5 efa mamita iraka tao Andrembesoa tarihin'ny CB ao Ambohimanambola. Ankitifitra no nihaonan'izy ireo tao Andalantery ka resy tosika ireo dahalo. Navela ireo omby ary lasa nitsoaka izy ireo. Ny 29 Novambra teo ihany koa tao Ivato/Faravohitra/Ambohimanambola dia dahalo miisa 4 mitondra basy sy omby roa no tsikaritry ny fokonolona. Niantso ny CB_Ambohimanambola avy hatrany izy ireo ka nandefa zandary maromaro hizaha ifotony izany ity farany. Tratra teo am-pitondrana omby ireo olon-dratsy noho izany. Raikitra ny fifampitifirana ka dahalo iray no namoy ainy. Tavela teo ny basy nampiasainy. Nitsoaka kosa ireo namany raha nahita izany. Mitohy ny asa fampandriana fahalemana ny faritra.
Pati
Légende : Ireo omby votsotra teny an-tanan'ireo dahalo !