Fandriampahalemana

AMBOHIDRATRIMO Lehilahy 4 tratra nangalatra gisa 5 sy gana 3

Fandriampahalemana
Alakamisy 02 Martsa 2023

Mirongatra ny hala-borona eny amin’ny distrikan’Ambohidratrimo. Saika ho isan’andro no hahazoan’ny zandary eny an-toerana fitarainana mifandraika amin’izany,

mpanao hala-botry izay marihina fa mahavita mamaky fisoko mihitsy. Lehilahy miisa 4 araka izany no sarona ny alin’ny 28 Febroary teo tokony ho tamin’ny 02 ora maraina tao amin’ny Fokontany Fiakarana kaominina ambanivohitra Anosiala. Tompon-trano iray no nampandre ny zandary fa misy olona misikotra ny tranony tamin’io alina io. Raikitra ny fifanjevona sy ny fisamborana noho izany, antony nahatrarana azy efa-dahy ireto. Tratra teny amin’izy ireo nandritra izany ny gisa miisa 05 ary gana miisa 03. Niaiky ny heloka vitany izy efa-dahy ireto ary nilaza fa tsy vao sambany izy no nanao izao asa ratsy izao.
Nangonin’i Pati
Legende : Ireto izy efa-dahy !