Fandriampahalemana

Ambohidraserika - Mahazoarivo Avy any Saropody ilay lehilahy namaky trano

Fandriampahalemana
Alakamisy 08 Septambra 2022

Lehilahy iray, 20 taona monina ao Saropody no fantatra fa tonga namaky trano tany Ambohidraserika Mahazoarivo afak’omaly 06 Septambra tamin’ny 01 ora maraina.

Vokatry ny fiaraha-miasan’ireo vaomieran'ny Fokontany teny an-toerana no nahafahana nisambotra ity lehilahy ity tao amin'ny trano fonenany. Nandritra ny fanadihadiana nataon'ny Polisy no nahafantarana fa efa mpamerin-keloka ny lehilahy ary tompon'antoka tamin'ireo vaky trano niseho teny amin'ny manodidina ny datin'ny 13 jolay lasa teo. Mbola misy raharaha hafa hanenjehana azy ihany koa any amin'ny sampan-draharaha hafa. Tratra tao amin’ity lehilahy ity avokoa moa ny ankamaroan’ireo entana nangalariny nandritra izany.
Nangonin’i Pati