AMBOHIDEHILAHY AMBOHIMANGAKELY

Jiolahy 2 sy entana halatra maro tratra tao anaty trano rava

Fandriampahalemana
Alatsinainy 29 Janoary 2024

Nitrangana vaky trano tao Ambohidehilahy Kaominina Ambohimangakely ny herinandro teo.

Nidina ifotony ny zandary ka nahatsikaritra trano rava sy foana sady haolo teo amin'ny manodidina.Nosavain'ny zandary ity trano ity ka sarona teo am-pifohana rongony ny tovolahy anankiroa. Sarona tao anatin'io trano rava io koa ny sombintsombiny amin'ny karazana entana azo tamin'ny halatra, miampy vovoka rongony 300 grama. Groupe motopompe roa no very tao anatin'ilay trano vaky raha tsiahivina izay fantatra fa hita teo akaikin'io trano rava io ny diany, ary ireo tapatapaka tuyau koa mbola tao anaty trano. Nanondro namana telo hafa izy roalahy vokatr’izany.Ireo mponina teny amin’ny manodidina moa dia nanamafy fa tena jiolahy mpamaky trano izy ireo ary nisy nahita ihany koa ny nitondran'izy ireo ilay groupe very sy boatin-doko iray. Efa naiditra am-ponja vonjimaika moa ny 4 tamin’izy ireo raha nahazo fahafahana kosa ny iray.
Pati
Legende : Ireto ry zalahy !