Fandriampahalemana

Ambohibarikely – Anosibe Tokantrano iray notafihana bokonozatra 5 lahy

Fandriampahalemana
Zoma 18 Novambra 2022

Tsy mifidy ora hanafihana intsony amin’izao ireo jiolahy eto an-drenivohitra. Andro vitsy lasa izay dia tokantrano iray tsy nanam-po na inona na inona no notafihina jiolahy tsy latsaky ny dimy lahy tetsy Ambohibarikely Anosibe.

Raha araka ny loharanom-baovao azo dia bokonozatra be avokoa ireo dimy lahy ireo no sady nitondra fitaovam-piadiana toy ny antsy…. Toy ireny nisy nitarika ireny izy ireo hoy ny vaovao fa avy hatrany dia nahita lalana niazo ilay tokantrano lasibatra na dia somary miditra elakelantranobe aza ilay toerana. Tsy nijanona teo ny tantara fa niditra izy ireo dia nandroba saingy afaka niantso mpitandro ny filaminana avy hatrany ny tompon-trano. Raikitra ny fifanjevona nandritra izany ka tafaporitsaka ireo jiolahy. Ny nanamafy ny hidin-tranony kosa no nataon’ireo manodidina noho ny tahony. Vao tamin’ny 07 ora hariva rahateo no nitrangan’ilay fanafihana ka tsy vitsy ireo niantso ny zanany, ny anadahiny….mbola taraiky tany ivelany tany. Marihina moa fa ankoatra an’i Namontana sy 67 ha dia tafiditra ao anatin’ny faritra mena ihany koa ny eny Ambohibarikely Anosibe amin’izao.
Nangonin’i Pati