Fandriampahalemana

Ambodin’Isotry Mitsindrona rongony ireo mpamaky trano

Fandriampahalemana
Talata 17 Aogositra 2021

Lehilahy miisa 4 nikasa hamaky trano teny amin’iny faritry ny EPP Ambodin’Isotry iny no saron’ny mpitandro ny filaminana nanao fanamiana sivily ny 14 aogositra lasa teo.

Rehefa nosavaina izy ireo dia mbola tratra teny aminy ny antsy lava lela iray sy « seringue » iray fampiasain’izy ireo hitsindromana rongony ; izay mahery vaika kokoa fa tsy tahaka ny rongony fohana ary tena mahatonga olona iray hahavita zavatra mety tsy fanaony. Raha araka ny fantatra dia efa mpamerin-keloka izy efa-dahy ireto. Ankoatra ny asa famakian-trano tahaka izao dia mahavita manendaka ihany koa izy ireo ka ireo elakelan-trano rehefa sendra azy dia hanaovany ny asa ratsiny avokoa. Omaly alatsinainy ihany koa no natolotra ny fitsarana izy ireo ary fantatra fa efa naiditra am-ponja vonjimaika.
Pati