AMBOASARY ATSIMO

Zaza mirahavavy nisy nanapa-doha

Fandriampahalemana
Zoma 27 Desambra 2024

Tsy mitsahatra ny fanapahan-dohan’olona eto amintsika. Lohalaharana amin’izany ny any amin’ny Faritra Atsimon’ny Nosy toy ny ao Amboasary Atsimo.

Raha araka ny loharanom-baovao azo avy any an-toerana dia zazavavy kely miisa roa ka kilemaina ny iray no nisy nanapa-doha tao Eloty herinandro vitsivitsy lasa izay. Noloaran’ireo tsy mataho-tody ihany koa ny mason’izy ireo, tranga izay vinavinan’ireo mpanao fanadihadiana momba ny trangan-piaraha-monina fa avy amin’ny finoanoam-poana avokoa. Mbola betsaka amin’ireo olona any Atsimo mantsy no mino fa misy hery hafa ny mason’olombelona ary mety mampanan-karena tampoka mihitsy, antony mandrisika ny sasany hanao izao vono olona feno habibiana mahatsiravina izao. Ankoatra ny faritra Atsimo Andrefana moa dia efa nahitana tranga fanapahan-doha ihany koa teto an-drenivohitra sy tany amin’ny faritra Atsimo Atsinanana.
Pati
Legende : Tsy milamina ny fandriampahalemana eto Amboasary Atsimo !