Fandriampahalemana

Ambatosoratra , Ambatondrazaka Lehilahy roa nodoran’ny fokonolona velona

Fandriampahalemana
Alarobia 12 Aprily 2023

Tovolahy roa omaly maraina tokony ho tamin’ny 10 ora sy sasany no indray nodoran’ny fokonolona velona tany amin’ny kaominin’ Ambatosoratra,

distrikan’Ambatondrazaka. Lasantsy no nandoron’ireo fokonolona azy, izay nohampangaina ho namono tovolahy kely iray tany an-toerana herinandro maromaro lasa izay. Mbola tena voamarina anefa io vaovao io hoy ny loharanom-baovao azo fa niainga tamin’ny resaka kihonohono. Ireo fokonolona efa tezitra mafy nitondra azy roalahy ireto no nanapa-kevitra hany ka tsy nisy nahafahan’ny mpitandro ny filaminana niditra an-tsehatra intsony. Voasakana mafy rahateo ireto farany mba tsy hiditra. Vokany, namoy ny ainy izy roalahy.Raha araka ny vaovao azo moa dia saika isan-taona no hitrangana fitsaram-bahoaka tahaka izao ao Ambatosoratra Ambatondrazaka. Efa eo am-pikarohana izay niavian’ilay feo sy nanatanteraka ilay fandorana velona azy mirahalahy ireto moa ny mpitandro ny filaminana any an-toerana.
Pati