Fandriampahalemana

Ambatoroka Maty voatifitry ilay jiolahy saika hanafika Villa

Fandriampahalemana
Talata 31 Martsa 2020

Manao fanamby hatrany ny poisim-pirenena fa tsy hitsitsy mihitsy manoloana ireo olon-dratsy mbola mahasahy manararaotra ny vahoaka Malagasy amin'izao toe-java-miseho eto amin'ny firenena izao.

Ny alahady alina teo dia andian-jiolahy saika hanafika "Villa" iray tetsy Ambatoroka no nifanehatra tamin'ny Polisin' ny "Unité Spéciale d'Intervention" ka lavon'ny balan' ny Polisy tamin'izany ny olon-dratsy iray izay mbola nahitana bala sy basy vita gasy teny aminy raha tafaporitsaka kosa ny namany. Fantatra fa isan'ireo nifampitifitra tamin'ireo Polisy tetsy Antsahabe io jiolahy io ka izao nifanehitra tamin'ny mpitandro ny filaminana izao indray. Voasoroka ihany koa ny vaky trano nitranga tetsy Andohatapenaka rehefa tonga ara-potoana teny an-toerana ny Polisin'ny Boriborintany fahafito. Mitohy hatrany ny asan'ny Polisim-pirenena, mivoha 24/24 ora ary 7/7 andro avokoa ny sampan-drahararaha eo anivon'ny Minisiteran'ny filaminam-bahoaka hanampiana ny olom-pirenena.

Pati