Fandriampahalemana

Ambatondrazaka Zaza tsy ampy taona 6 tratra namaky trano

Fandriampahalemana
Alakamisy 02 Jolay 2020

Ravan’ny Polisy ireo andian-jiolahy mpamaky trano tao Ambatondrazaka. Ankizy tsy ampy taona miisa enina, manodidina ny 06 ka hatramin'ny 14 taona,

ka vavy kely ny iray no mpanatontosa ny halatra. Efa lasibatr’izy ireo in-telo miantoana ny volana may sy jona lasa teo ny toeram-pivarotana iray ao Madiotsifafana. Nanaovan’ny Polisy vela-pandrika izy ireo ny 28 jona teo ka tra-tehaka avokoa niaraka tamin’ireo mpiray tsikombakomba tamin’izy ireo, ahitana ny mpaniraka sy mpandray entana halatra. Natolotra ny Fitsarana ambaratonga voalohany tao Ambatondrazaka omaly ny raharaha, ary notazomina amponja voinjimaika ireo ati-doha.

Jean D.