Fandriampahalemana

Ambatondrazaka Manjaka ny halabotry sy ny sinto-mahery

Fandriampahalemana
Zoma 29 Desambra 2017

Ireo mpiantsena avy any ambanivohitra sy ireo mpamonjy karaoke harivariva no tena lasibatra amin'izany.

Tsy mifidy fotoana hanaovan-dratsy ireo jiolahy fa na andro maraina na hariva rehefa hanao ny asa ratsiny izy ireo dia mitondra faisana avokoa ireo izay sendra azy. Ny alarobia alina teo, ohatra, dia tanora telo mirahalahy avy namonjy karaoke no nodarofan'izy ireo teo akaikin'ny tsena Ambatondrazaka. Mandeha andiany izy ireo amin'izany. Soa ihany fa mbola afaka nandositra ny iray tamin'izy telo lahy sendra ireto olon-dratsy ka afaka niantso vonjy fa raha tsy izany dia nanamparan’ny jiolahy ny heriny izy ireo.

Niry A.