Fandriampahalemana

Ambatondrazaka Gadra 4 tafaporitsaka, voatiifitra ny iray

Fandriampahalemana
Alakamisy 28 Mey 2020

Voafonja miisa 4 mirahalahy no tafaporitsaka ny fonjan'Ambatondrazaka omaly alarobia 27 may 2020 tokotokony tamin'ny 12 ora sy sasany atoandro.

Nihanika ny tambohon'ny fonja izy reo araka ny fanazavan'ny tompon'andraikitra, nanao ny tifitra fampitandremana ireto farany saingy mbola nitsoaka ihany ireto gadra ireto ka voatifitra teo amin'ny feny ary naratra mafy ny iray. Tao amin'ny honahona ambany antsinanan'ny fonja no nahatratrarana ireo 3 lahy rehefa nifanenjehan'ny mpitandro ny filaminana sy ny fokonolona teo amin'ny manodidina. Efa naverina ao amin'ny fonjan'Ambatondrazaka ireto gadra nilefa ireto ary manaraka fitsaboana ny iray amin'izy ireo. Naka an-keriny zaza tsy ampy taona, ka migadra 20 taona ny iray araka ny fitsarana tamin’ny 2018. Ireo 3 migadra mandritra 2 taona notsaraina ny janoary teo noho ny halatra. 830 ireo gadra amin’izao, raha 350 no zokan’ny fonjan’Ambatondrazaka. Ny 17 septambra 2017 no nisy fitsoahana tamin’ny alalan’ny fandoahana rindrina.

Toky R sy Pati