Fandriampahalemana

Ambatomaro Voasambotra ilay mpamatsy rongony

Fandriampahalemana
Zoma 29 Desambra 2017

Voasambotry ny polisy avy ao amin'ny Boriborintany fahatelo teo am-pivarotana rongony ny alarobia 27 desambra 2017, tokony ho tamin'ny 4 ora hariva i Claudine, 30 taona, monina eny Ambatomaro.

Mbola nahitana fonosan-drongony miisa 58 tany aminy. Vaovao avy amin'ny olona tsara sitrapo no nahafantaran'ny polisy ny fisian'ity mpivarotra rongony ity, raha ny fanazavana. Nilaza izy fa misy olona manatitra ao aminy ireo rongony ireo ka 10.000 Ariary no hividianany ny iray sase kely. Lafony mandritra ny herinandro eo ireo rongony ireo. Natolotra ny fampanoavana omaly alakamisy, 28 desambra 2017 ilay ramatoa.

J. Mirija