Fandriampahalemana

Ambatoboeny Tratra i Solosoa, mpamatsy ody ratsy an`ireo dahalo

Fandriampahalemana
Talata 20 Oktobra 2020

\Mitombo isan`andro ny faritra mena manerana ny Nosy. Matetika dia haino fa toa resy tosiky ny dahalo ny mpitandro filaminana noho tsy fananana paikady matotra.

Na dia izany mitohy foana ny ezaka eo anivon` ny Tafika Malagasy amin`ny ady amin` ny dahalo indrindra any amin`ny tontolo ambanivohitra. Manjaka moa ny ody ratsy any ambanivolo ary mampiasa izany ny ankamaoran` ny dahalo. Voasambotry ny miaramilan'ny ZRPS Delta/BOA2 any Ambatoboeny kosa i Solosoa, izay mpamatsy ody ratsy an'ireo dahalo namany amin` ity faritra ity. Nandritra ny fisafoana nataon'izy ireo tao Tsarahonenana, Kaominina Tsaramandroso no nahatratrarana an`ity dahalo raindahiny ity sady mpamatsy ody ratsy. Efa natolotra ny zandary i Solosoa natao famotorana ary hatolotra ny fampanoavana.

Marigny A.