Fandriampahalemana

Ambato boeny Niova endrika ny tsy fandriampahalemana

Fandriampahalemana
Talata 22 Martsa 2022

Niova endrika ny tsy fandriampahalemana ao Ambato boeny satria tsy misy intsony ny omby marobe alain’ny dahalo na famonoana olona mahatsiravina matetika sy fandorana tanana, hoy ny ben’ny tanana ao an-toerana, Jean Valerien Rakotonandrasana.

Tena mbola misy nefa, hoy izy, ny halatra omby ary io ny omby very ao amin’ny distrikan’Ambato boeny dia miakatra aty amin’ny distrikan’I Maevatanana. Antony ilazanay io hoe raha asiana toby miaramila eo amin’ny mampifandray an’I Betsiboka sy Boeny dia ho foana ny halatra omby. Efa misy kaominina iray vonona hanome 300 ha ahafahan’ny miaramila mitoby sy mamboly ary misy rano azo ivelomana. Omena maimaipoana ny miaramila izany. Efa naterinay any amin’ny minisiteran’ny fiarovam-pirenena ny taratasy momba izany, 2 taona lasa izay. Tsy fantatra moa hoe misy tambazotra ve no mahatonga ilay dahalo tsy mamono olona intsony fa dia maka ireo omby iasana aloha zareo, hoy hatrany ny fanazavana.
J. Mirija