Fandriampahalemana

Alasora Efa mpamerin-keloka ilay mpamaky trano tratra

Fandriampahalemana
Alatsinainy 07 Septambra 2020

Ny 03 septambra lasa teo dia lehilahy iray no voasambotry ny polisy miasa ao amin’ny CSP Alasora teny amin’ny fari-piadidiany noho ny halatra mitam-piadiana.

Araka ny tabataba sy ny antsoantso nataon’ny vahoaka teny an-toerana izay nilaza fa misy olona nanafika ary mampiasa fitaovam-piadiana mahery vaika no nahafahan’ny polisin’Alasora nisambotra ity lehilahy ity. Nandritra ny fisamborana azy dia nahitana Pistolet Factice iray , arme blanche iray sy fitaovana maromaro ilaina amin’ny famakiana trano toy ny pince coupante sy barre à pince tany aminy. Araka ny fanatra dia ity lehilahy voasambotra ity hatrany no tompon’antoka tamin’ireo vaky trano mitam-piadiana niseho lany teny amin’iny faritra iny. Maro ihany koa ny vesatra hanenjehana azy ao amin’ny polisin’Alasora. Efa mpameri-keloka moa ity lehilahy ity ary vao nivoaka ny fonja vao haingana. Hatolotra ny fampanoavana anio alatsinainy ny lehilahy.

Pati