Fandriampahalemana

Alaotra Mangoro Goragora ny fandriampahalemana

Fandriampahalemana
Sabotsy 25 Novambra 2017

Olona iray namoy ny ainy, iray hafa naratra mafy. Io no vokatry ny fanafihan-jiolahy tamin’ny toeram-pivarotana iray ao Ambatondrazaka ny alin’ny alarobia 22 novambra hifoha ny alakamisy 23 novambra tokony tamin’ny 1 ora maraina.

Marihina fa mpiambina ilay fivarotana ireo lasibatra. Midika izao fa marisarisa tanteraka ny tontolon’ny fandriampahalemana ao anatin’ny faritra Alaotra Mangoro. Ny faramparan’ny herinandro teo dia nisesy ny fanafihana sy ny vaky trano tao amin’ny kaominina ambonivohitra Ambatondrazaka. Nifanandrina koa ny jiolahy sy ny fokonolona tany amin’ny ilany avaratry ny distrikan’Ambatondrazaka. Nitondra faisana koa ireo mponina tao amin’ny ilany atsinanan’ny kaominina Didy noho ny fanafihan-jiolahy tamin’iny herinandro iny. Mila vonjy, araka izany, Alaotra mMangoro ary mitady mpitantana mahay mandray andraikitra.

Niry A